குறிப்புக்கள் - (Notes)
வேறுபாடுகள் - (Pathanthara)
¹ - ப₄வானி த்ரி-லோக - ப₄வானி ப₄வானி ப₄வானி த்ரி-லோக - ப₄வானி ப₄வானி ப₄வானி லோக.
² - ஹாரிணி - ஹரிணி.
³ - ஸதத வினுத - ஸதத வினத.
⁴ - விஸா₁லாக்ஷ தருணி - விஸா₁ல தருணி : பிற்கூறியது இவ்விடத்தில் பொருந்தாது.
⁵ - ஸதி ஸு₁ப₄ சரிதே - ஸதி நுத சரிதே : பிற்கூறியது இவ்விடத்தில் பொருந்தாது.
Top
⁶ - மது₄ர பா₄ஷா - மது₄ர (பா₄ஷிணி அம்பா₃) பா₄ஷா.
⁷ - விக₃ளத₃ம்ரு₂த - விக₃ளதம்ரு₂த.
⁸ - ஸுர நுத பத₃ யுக₃ த₃ர்ஸி₁த இஹ மம - ஸுத நுத வஸுபத₃ விகஸித இஹ மம : பிற்கூறியதற்கு பொருளேதும் இ்ல்லை. எனவே அது தவறாகும்.
⁸ - பத₃ யுக₃ த₃ர்ஸி₁த - பத₃ யுக₃ த₃ரிஸி₁த : 'த₃ரிஸி₁த' என்பது தவறு என்று கருதுகின்றேன்.
⁹ - கா₃த்ரமதி-மாத்ரமஜனி ஸுஜனி - கா₃த்ரமதி-மாத்ரமாஜனி ஸுஜனி : 'மாத்ரமாஜனி' என்பது தவறாகும்.
¹⁰ - ரக்ஷணி - ரக்ஷிணி.
Top

மேற்கோள்கள்
⁵ - ஸதி - சதி - தட்சன் மகள்.

¹² - தவ காந்திமுபயாதும் - உன்னுடைய பேரொளியினை அணுகுதற்கு - சியாமா ஸாஸ்திரி, மற்ற கீர்த்தனைகளில், அம்மையை, 'பரஞ்சோதி' என்று குறிப்பிடுகின்றார். லலிதா ஸஹஸ்ர நாமத்தில் (806), அம்மை இப்பெயரால் அழைக்கப்படுகின்றாள். இது குறித்து, கடோபநிடதத்தில் கூறப்பட்டது -

"அங்கு சூரியன் ஒளிர்வதில்லை; சந்திரன், தாரைகளும் கூட;
இந்த மின்னல்களும் ஒளிர்வதில்லை; இந்த நெருப்பும் எங்கே?
அஃதொன்றே ஒளிர, மற்று யாவையும் ஒளி பெருகின்றன;
அதன் ஒளியினால், இவை யாவும் ஒளிர்கின்றன." (2.2.15)
(ஸ்வாமி கம்பீராநந்தாவின் ஆங்கில மொழிபெயர்ப்பின் தமிழாக்கம்.)
Top

¹³ - ஸு-ஸோ₁பி₄தோரு யுக₃ள - துலங்கும், புனித, துடை இணையினளே! - லலிதா ஸஹஸ்ர நாத்தில் (39) கூறப்பட்டது - 'காமேஸ₁ ஞாத ஸௌபா₄க்₃ய மார்த₃வோரு த்₃வயான்விதா'.

¹⁶ - கடி கலித மணி காஞ்சீ ப்₄ரு₂தே - சலங்கைகள் பொருந்திய, இரத்தின மேகலை திகழும், இடுப்பினளே! - இது குறித்து காஞ்சி மாமுனிவரின் 'ஸௌந்தர்ய லஹரி' உரை (21) நோக்கவும். "சிலம்புகள் பொருந்திய மேகலை, 'காஞ்சி' எனப்படும்".
Top

விளக்கம்
மூன்று சரணங்களிலும், முறையே, '(ஸ்ரீ ராஜ ராஜேஸ்₁வரி)', '(க₄ன நீல வேணி)', '(நவ ஸாரஸ முகி₂)' ஆகியவை bracket-களில் கொடுக்கப்பட்டுள்ளன. இதற்கு என்ன காரணம் என்று தெரியவில்லை.

⁴ - விஸா₁லாக்ஷ தருணி - அகன்ற கண்களுடைய மங்கை. புத்தகங்களில் இதற்கு, 'சிவனின் மனைவி' என்று பொருள் கொள்ளப்பட்டுள்ளது. இங்கு, 'சிவன்' என்று பொருள் கொள்ளும்படி எந்த சொல்லும் இல்லை.

¹¹ - அயி - அம்மா - நமக்கு மிகவும் பிரியமான பெண்டிரை - தாய், சகோதரி, பெண் குழந்தை - ஆகியோரை விளிக்கும் முறை. லலிதா ஸஹஸ்ர நாமத்தில் (427), அம்மை 'அயீ' என்ற பெயரால் அழைக்கப்படுகின்றாள்.
Top

¹⁴ - முரளீ ம்ரு₂த₃ங்க₃ ஸ்வர ஸம்ஸோ₁பி₄னி - இனிய, குழல் மற்றும் மிருதங்க சுரங்களில் திகழ்பவளே! : அம்மை நாத வடிவத்தினள். அந்த நாதத்தின் வழிபாடு (நாதோபாசனை) அம்மையின் வழிபாடாகும். 'சுரம்' என்பது 'குழலோசை' மற்றும் 'மிருதங்கத்தின் ஒலி' - இரண்டுக்கும் பொதுவான சொல்லாகும்.

¹⁵ - ரஸ-க்ரு₂த மஹீ தலே - சாரம் உண்டாக்கியவள் - கவி பாரதி, தனது 'எத்தனை கோடி இன்பம் வைத்தாய்' என்ற கவிதையில் 'சித்தினை அசித்துடன் இணைத்தாய்; அங்கு சேரும் ஐம்பூதத்து வியனுலகமைத்தாய்' என்று கூறுகின்றார். இறையெனும் சாரமின்றி, ஐம்பூதங்களும் ஜடமே.
'ரசம்' என்பதற்கு, 'நவரசம்' என்றும் பொருள் கொள்ளலாம்.

இந்த கிருதியில் பாடலாசிரியரின் முத்திரை 'சியாம கிருஷ்ண' காணப்படவில்லை.

அசுரர் பகைவர் - வானோர்
மலையீசன் - சிவன்
Top